ಪಾಕದ ರೀಮಿಕ್ಸ್

ಈಗ ಎಲ್ಲೆಲ್ಲೂ ರೀ-ಮಿಕÕ…, ರೀ-ಮೇಕ್‌ಗಳದೇ ಯುಗ ! ನಮ್ಮ ಹಳೆಯ ಜನಪ್ರಿಯ ಚಿತ್ರಗೀತೆಗಳನ್ನು  ರೀಮಿಕÕ… ಎನ್ನುವ  ಹೆಸರಿನಲ್ಲಿ  ಯಾವದೋ ಮಸಾಲಾ ಬೆರೆಸಿ ಒಂದಿಷ್ಟು  ರಾಕ್‌ ಹಿಮ್ಮೇಳದ  ಗದ್ದಲವೆಬ್ಬಿಸಿ ನಮ್ಮ  ಕಿವಿಗಳಿಗೆ ಅಬ್ಬರಿಸಿದರೂ ನಾವು ಬೊಬ್ಬಿರಿಯದೆ ಬೆರಗಿನಿಂದ ಕಣ್ಣರಳಿಸಿ ಬಾಚಿಕೊಂಡು ಬಿಡುತ್ತೇವೆ.

ಒಟ್ಟಿನಲ್ಲಿ ಹಳೆಯದನ್ನೇ ಹೊಸ ರೀತಿಯಲ್ಲಿ ಆಕರ್ಷಕವಾಗಿ ತೋರುವಂತೆ ಮಾಡುವ ಈ ಕಲೆ ಸಿನೆಮಾ ರಂಗದಿಂದ ನನ್ನ ಪಾಕ ರಂಗಕ್ಕೂ ಪ್ರವೇಶ ಮಾಡಿತ್ತು!

ಆದರೆ ಈ ರೀ-ಮಿಕÕ… ಗಿಮ್ಮಿಕ್ಕನ್ನು ನನ್ನ ಅಡುಗೆಯಲ್ಲಿ  ಬಳಸಿಕೊಳ್ಳಲು ನಾನೂ ಕೂಡ  ಶುರುವಿಟ್ಟುಕೊಂಡಿದ್ದು (ಅಳತೆ ಗೊತ್ತಾಗದೆ) ಹೆಚ್ಚಾಗಿ ಮಾಡಿದ ಅಡುಗೆ ಪೋಲಾಗಿ  ಹೋಗಬಾರದೆಂಬುವ ಉದ್ದೇಶದಿಂದ. "ಮಾಡಿದ್ದು (ನೀನೆ ) ಉಣ್ಣೆ ಮಾರಾಯ್ತಿ' ಎಂದು ಹೆಚ್ಚಿಗೆ ಉಳಿದದ್ದನ್ನೆÇÉಾ ನಾನೇ ಉಂಡು, ಗುಂಡಾಗಿ ಹೋದ ಮೇಲೆ ಈ ಬುದ್ಧಿ ಕಲಿತದ್ದು ಎಂದರೂ ತಪ್ಪಾಗಲಾರದು. ಇನ್ನು ಈ ಊರಿನಲ್ಲಿ  (ಅವರ ಪುಣ್ಯಕ್ಕೆ) ಕೊಂಡೊಯ್ಯಲು  ಕೆಲಸದವರ ಕೊರತೆಯೂ ಒಂದು  ಕಾರಣವಾಗಿ  ನನ್ನ ಪಾಕಶಾಲೆಯಲ್ಲಿ  ಈ  ರೀಮಿಕ್ಸ್‌  ಕಲೆಯನ್ನು  ಪೋಷಿಸಿಕೊಂಡು  ಬಂದಿ¨ªೆ.

ಒಮ್ಮೊಮ್ಮೆ ಅಡುಗೆ ಹೆಚ್ಚಿಗೆ ಉಳಿದಲ್ಲಿ, ಮಾರನೆಯ ದಿನವೂ ಅದನ್ನು ನಾವೇ ಖಾಲಿ ಮಾಡುವ ಪಾಕದ ರೀ-ಮಿಕÕ… ಐಡಿಯಾಗಳು ನನ್ನ ಖಾಲಿ ತಲೆಗೆ ಹಠಾತ್ತಾಗಿ ಸಾಲು  ದೀಪದಂತೆ ಹೊಳೆದು ನನ್ನ ಹಳೆ ಪಾಕಕ್ಕೆ  ಹೊಸ ಮಸಾಲಾಗಳಿಂದ ಚೆಂದದಿ ಮೇಕಪ್‌ (ಚಿಂದಿಯಾಗದಂತೆ) ಮಾಡಿ ಹೊಸ ರೂಪ ಕೊಡುವುದರಲ್ಲಿ ಯಶಸ್ವಿ ಆಗುತ್ತಿ¨ªೆ !

ಉದಾಹರಣೆಗೆ ಒಮ್ಮೆ  ರಾಮನವಮಿ ಹಬ್ಬದಲ್ಲಿ ನಾ ಮಾಡಿದ ಹೆಸರುಬೇಳೆ ಕೋಸಂಬರಿ ಜೊತೆಗೆ ಅವರಿವರು ಕೊಟ್ಟಿದ್ದೂ ಡಬ್ಬಿಯ ತುಂಬಾ ಕುಳಿತು ನನ್ನನ್ನು ಕೆಣಕಿದಾಗ  ಒಂದಿಷ್ಟು ತಲೆ ಕೆರೆದುಕೊಳ್ಳದೆ ಅದನ್ನು ಪಲ್ಯದೊಳಗೆ ಹದವಾಗಿ ಬೆರೆಸಿ ಮನೆಯವರ ಮೂಗಿಗೆ ಕಿಂಚಿತ್ತೂ ಸಂಶಯ ಬಾರದಂತೆ ಬಡಿಸಿ ಮೆಚ್ಚುಗೆೆಗೂ ಪಾತ್ರಳಾಗಿ¨ªೆ.
ಇನ್ನು ಕೆಲವೊಮ್ಮೆ ಇಂಥ ಒಣ ಪಲ್ಯಗಳೆ ಹೆಚ್ಚಾಗಿ ಉಳಿದುಕೊಂಡಾಗ, ಮತ್ತದನ್ನೇ ಬಿಸಿ ಮಾಡಿ ತಿನ್ನಲು ಬೇಸರವೆನಿಸಿ ಅವುಗಳನ್ನು ಪರೋಟಾದ ಹಿಟ್ಟಿನಲ್ಲಿ  ಸೇರಿಸಿ  ಲಟ್ಟಣಿಗೆಯಿಂದ ಹಿತವಾಗಿ ಮಸಾಜ… ಮಾಡಿಸಿ ಹೆಂಚಿನ ಮೇಲೆ ಕೆಂಪಾಗಿಸಿ ಹೊಸ ರುಚಿಯೆಂಬ ಹೆಸರಿನಲ್ಲಿ ಮನೆಯವರ ಹೊಟ್ಟೆ  ತಂಪಾಗಿಸುತ್ತಿದ್ದದ್ದುಂಟು.

ಇನ್ನು ಉಳಿದ ಸಲಾಡ್‌ಗಳು ಅಕ್ಕಿ ರೊಟ್ಟಿ ಹಿಟ್ಟಿನೊಂದಿಗೆ ಸೇರಿ ಮರುಜನ್ಮ  ಪಡೆದರೆ ಕೊನೆಯಲ್ಲಿ ಉಳಿದ ಬ್ರೆಡ್‌ ಪೀಸ್‌ಗ‌ಳೂ ಕೂಡ ಸರಾಗವಾಗಿ ಚಪಾತಿ ಹಿಟ್ಟಿನ ಹೊಟ್ಟೆ  ಸೇರುತ್ತಿದ್ದವು.

ಹೇಳಬೇಕೆಂದರೆ, ಕೆಲವು ಗೃಹಿಣಿಯರಿಗೆ ಈ ರೀ-ಮಿಕÕ… ಕಲೆ ಸುಲಭವಾಗಿ ಒಲಿದಿರುತ್ತದೆ, ಕೆಲವರು ಸಂದರ್ಭಕ್ಕನುಸಾರವಾಗಿ ಈ ಕಲೆಯನ್ನು ಅಡುಗೆಯನ್ನು ಕುಲಗೆಡಿಸದೆ ಕರಗತ ಮಾಡಿಕೊಳ್ಳಬಹುದು.
ಇನ್ನು ನಮ್ಮ  ಮನೆಯಲ್ಲಿ  ಹೆಚ್ಚಿಗೆ ಉಳಿದ ಚಪಾತಿಗಳು ಮಾಲೆದುಂಡಿ ಅಥವಾ ಮಾಲದಿಯಾಗಿ (ಸಿಹಿ ತಿನಿಸು), ಇಡ್ಲಿಗಳು ಇಡ್ಲಿ ಫ್ರೈಗಳಾಗಿ ರೂಪಾಂತರಗೊಳ್ಳುತ್ತಿದ್ದವು. ಹೀಗೆ ಹೆಚ್ಚಿನಡುಗೆಯನ್ನು ಬಿಸಾಡದೆ ಮನೆಯವರ ಹೊಟ್ಟೆಗೂ (ಹೆಚ್ಚಿನ) ಅಪಾಯವಾಗದಂತೆ ನನ್ನ ವಿವಿಧೋಪಾಯಗಳ ದಂಡು ಇದ್ದಂತೆ, ಅಡುಗೆ ಕಡಿಮೆಯಾದದ್ದನ್ನು  ಹೆಚ್ಚಾಗಿಸುವ ತಂತ್ರವನ್ನು ಅತ್ತೆಯವರು ನಮ್ಮ ಮದುವೆಯಾದ ಹೊಸತರಲ್ಲಿ ತಿಳಿಸಿಕೊಟ್ಟಿದ್ದರು.

ಕೆಲವೊಮ್ಮೆ ಸಂಜೆಗೆ ಸಾರು,  ಹುಳಿ ಮನೆಮಂದಿಗೆ ಸಾಲದೆನಿಸಿದಾಗ, "ಅದಕ್ಕೊಂದಿಷ್ಟು  ಗಂಗಾ ಜಮುನಾ ಸೇರಿಸವ್ವ' ಎನ್ನುವ ಅತ್ತೆಯವರ ಕೋಡ್‌ವರ್ಡ್‌ ಅನ್ನು  ಡೀ-ಕೋಡ್‌ ಮಾಡಿದಾಗ ತಿಳಿದದ್ದು ನೀರು ಸೇರಿಸಿ ಜೊತೆಗೊಂದಿಷ್ಟು ಮಸಾಲೆ ಹಾಕಿ  ಬೆಳೆಸಿ ಬಡಿಸು ಎಂಬುದಾಗಿ.

ಆದರೆ ನನ್ನಡುಗೆಯನ್ನು ಸವಿದು ಮೆಚ್ಚಿಕೊಳ್ಳುವ  ನನ್ನ ಮಗರಾಯನ ಮೂಗು  ಮಾತ್ರ  ಶುನಕದ ಮೂಗಿಗಿಂತಲೂ ತೀಕ್ಷ್ಣವಾಗಿದ್ದು ನನ್ನ ಈ ಎಲ್ಲ ರೀಮಿಕÕ… ರಹಸ್ಯವನ್ನು  ಭೇದಿಸಲು ಟೀವಿ  ಚಾನೆಲ್‌ನವರು ಸ್ಟಿಂಗ್‌ ಆಪರೇಶನ್‌ ಮಾಡುವಂತೆ  ಸದಾ ಮುಂದಿರುತ್ತಿದ್ದ. ಅವನು ಚಾಪೆಯ ಕೆಳಗೆ ತೂರಿದರೆ ನಾ ರಂಗೋಲಿ ಕೆಳಗೆ ತೂರಿ ಒಟ್ಟಿನಲ್ಲಿ ನನ್ನ ಪಾಕ ಪ್ರಯೋಗಗಳನ್ನು ರುಚಿಯಾಗಿ ಮಾಡಿ ಬಡಿಸಿ ಅವನು ತಕರಾರಿಲ್ಲದ ಹಾಗೆ ತಿನ್ನುವಂತೆ ಮಾಡುವ ನನ್ನ ಸಾಹಸಕ್ಕೆ ನನ್ನ ಬೆನ್ನನ್ನು (ನೋವಿದ್ದರೂ) ನಾನೇ ತಟ್ಟಿಕೊಂಡಿದ್ದುಂಟು!

ಇನ್ನು ಮೊದಲಿನಿಂದಲೂ ಕಸದಿಂದ ರಸ ತಯಾರಿಸುವುದು ನನ್ನ ಇಷ್ಟದ  ಹವ್ಯಾಸ ಹಾಗೂ ಅಚ್ಚುಮೆಚ್ಚಿನ ಆಸಕ್ತಿಗಳÇÉೊಂದು. ಹಾಗಾಗಿ, ಹಳೆ ಕುಕ್ಕರ್‌ ಗಾಸ್ಕೆಟ್‌, ಐಸ್‌ಕ್ರೀಮ…  ಕಡ್ಡಿಗಳು, ಮುರಿದ ಬಳೆಗಳು, ಫ್ಯೂಸ್‌ ಹೋದ ಬಲ್ಬಗಳು, ಹಳೆ ಬಾಟಲಿಗಳು ಇತ್ಯಾದಿ ನನ್ನ ಮಿನಿ ಗೋಡೌನಿಗೆ ಸೇರಿ ನನ್ನ ಬಿಡುವಿನ ವೇಳೆ ಹಾಗೂ ಮೂಡಿಗನುಸಾರವಾಗಿ  ಆಲಂಕಾರಿಕ  ವಸ್ತುಗಳಾಗಿ ಹೊಸ ರೂಪ ಪಡೆದು ಕೊಳ್ಳುತ್ತಿದ್ದವು.

ಈಗಲೂ ಅದೇ ಕಸ ಅಥವಾ ಇಂತಹ ಹಳೆ ವಸ್ತುಗಳನ್ನು ಕಂಡರೆ ನನಗೆ  ಎಲ್ಲಿಲ್ಲದ ಪ್ರೀತಿ. ಆದರೀಗ ಅವುಗಳನ್ನು  ಕಲಾತ್ಮಕವಾಗಿ ಮಾರ್ಪಾಡು ಮಾಡಲು ಮೊದಲಿದ್ದ ಆಸಕ್ತಿ  ಹಾಗೂ ತಾಳ್ಮೆ ಆಗಾಗ ಕೈ ಕೊಡುತ್ತಿದ್ದವು. ಹಾಗಾಗಿ, ಕಸದಿಂದ ರಸ ಮಾಡುವ ಬದಲು ಕಸವೇ ಹೆಚ್ಚಾದಾಗ ನಮ್ಮನೆಯವರು ತಾಳ್ಮೆಯೂ ಕೈ ಕೊಟ್ಟು ನನಗೆ ಗೊತ್ತಾಗದಂತೆ  ಸಾಮೂಹಿಕವಾಗಿ ಅವಕ್ಕೆಲ್ಲ  ಕಸದ ತೊಟ್ಟಿಯ ದರ್ಶನ ಮಾಡಿಸಿ ಬಿಡುತ್ತಿದ್ದರು. ನಂತರದ ದಿನಗಳಲ್ಲಿ ಅವರ ಈ ಘೋರ ಅಪರಾಧದ ಅರಿವಾದಾರೂ ಮತ್ತೆ ಯಥಾಪ್ರಕಾರ ನಾರು/ಕಸ ಸಂಗ್ರಹಣೆ ಶುರುವಿಟ್ಟುಕೊಳ್ಳುತ್ತಿದ್ದೆ.
ನನ್ನ ಇದೇ ಬುದ್ಧಿ ನನ್ನ ಅಡುಗೆ ರೀಮಿಕÕ…ಗೂ ತಳಕು ಹಾಕಿಕೊಂಡಿದ್ದು ಎಂದರೆ ತಪ್ಪಾಗಲಾರದು. ಹಾಗಾಗಿ ನಿಮ್ಮನ್ನು ನನ್ನ ಇನ್ನೊಂದಿಷ್ಟು  ಫ್ಲ್ಯಾಶ್‌ಬ್ಯಾಕಿಗೆ ಕರೆದೊಯ್ಯಲೇಬೇಕು.

ಕೇಕ್‌ ತಯಾರಿಸುವುದನ್ನು ನಾನು ಆ ದಿನಗಳಲ್ಲಿ ಆಗಷ್ಟೇ ಹುರುಪಿನಿಂದ ಕಲಿಯುತ್ತಿ¨ªೆ. ಒಂದೆರಡು ಸರಿ ಬಂದು, ಇನ್ನು ಕೆಲವು ಬಾರಿ ಏನೋ ವ್ಯತ್ಯಾಸವಾಗಿ ಕೇಕ್‌ ಆಗುವ ಬದಲು ಹಲ್ವ  ಆಗಿದ್ದೂ  ಇತ್ತು. ಆದರೂ ನನ್ನ ಕೇಕ್‌ ಕಂಡು ಯಾರೇ ಕೇಕೆ ಹಾಕಿ ನಕ್ಕರೂ ನನ್ನ ಕೇಕ್‌ ಪ್ರಯೋಗಗಳಿಗೆ ಯಾವ ಬರವೂ ಬಂದಿರಲ್ಲಿಲ್ಲ.

ಅಂತೆಯೇ ಒಮ್ಮೆ ಖರ್ಜೂರದ ಕೇಕ್‌ ಮಾಡುವ ಸಾಹಸಕ್ಕೆ ಕೈ ಹಾಕಿ¨ªೆ. ಮಾಡುವ  ವಿಧಾನವನ್ನು ಸರಿಯಾಗಿ ಅನುಸರಿಸಿದರೂ ಏನೋ ಏರುಪೇರಾಗಿ, ಕೇಕ್‌ ತಯಾರಾದಾಗ ಬಳಿಕ, ಮೇಲ್ನೋಟಕ್ಕೆ ಸುಂದರವಾಗಿ ಕಂಡರೂ ನನ್ನ ಫೀಮೇಲ… ನೋಟಕ್ಕೆ ಎಲ್ಲವೂ ಒಂದೇ ಏಟಿಗೆ ಅರಿವಾಗಿತ್ತು. ಅರ್ಥಾತ್‌ ನನ್ನ ಕೇಕ್‌ ತೋಪಾಗಿ, ಮಧ್ಯ ಭಾಗ ಕಿಂಚಿತ್ತೂ ಬೇಯದೆ ಹಸಿ ಮು¨ªೆಯಾಗಿ ಮೌನದಿ ಕುಳಿತುಬಿಟ್ಟಿತ್ತು. ಆಗ ತಕ್ಷಣ ಜಾಗೃತವಾಗಿದ್ದೇ ನನ್ನ ರೀ-ಮಿಕÕ… ಬುದ್ಧಿ. ಆ ಮು¨ªೆಗೆ ಒಂದಿಷ್ಟು ಹೊಸ  ಸಾಮಗ್ರಿಗಳನ್ನು ಸೇರಿಸಿ ಸಿಹಿ ಹೂರಣವಾಗಿಸಿ, ಮಗ ಸ್ಕೂಲಿನಿಂದ ಬರುವಷ್ಟರಲ್ಲಿ   ರುಚಿಯಾದ  ಖರ್ಜೂರದ  ಹೋಳಿಗೆ ತಯಾರಿಸಿ¨ªೆ.

"ಅಮ್ಮ, ನೀನು ಮುಂಜಾನೆ ಖರ್ಜೂರ ಕೇಕ್‌ ಎಂದಿದ್ದ$Âಲ್ಲ, ಹೋಳಿಗೆ ಮಾಡಿದ್ದೇಕೆ?' ಎಂದು ಮಗರಾಯ ತನ್ನ ನೆನಪಿನ ಶಕ್ತಿಯನ್ನು ಪ್ರದರ್ಶಿಸಿ ನನ್ನನ್ನು ಕೆಣಕಿ ತಕರಾರು ತೆಗೆದಾಗ, "ಈ ಹೋಳಿಗೆ ಅದಕ್ಕಿಂತಲೂ ರುಚಿ ಇದೆ. ತಿನ್ನು ಮರಿ. ಮುಂದಿನ  ಬಾರಿ ಖಂಡಿತ ಕೇಕ್‌ ಮಾಡಿ ಕೊಡುವೆ' ಎಂದು ಹೋಳಿಗೆಯ ರುಚಿ ತೋರಿಸಿದಾಗ, "ಸೂಪರ್‌ ಅಮ್ಮ' ಎಂದವನ ಉದ್ಘಾರಕ್ಕೆ ನನ್ನ ತಲೆ ಸಂತಸದಿಂದ ಗಿರ್‌ ಎಂದಿದ್ದು  ಹೇಗೆ  ತಾನೇ ಮರೆಯಲಿ?

ನನ್ನ ಈ ರೀ-ಮಿಕÕ… ಕಲೆಯ ಫ‌ಲಾನುಭಾವಿಗಳಾದ ನಮ್ಮ ಮನೆಯವರೂ (ನನ್ನ ) ಸಹವಾಸ ದೋಷದಿಂದ ಒಮ್ಮೊಮ್ಮೆ ಈ ವಿಷಯದಲ್ಲಿ  ಸೂಪರ್‌ ಸುಪ್ರೀಮ್‌ ಐಡಿಯಗಳೊಂದಿಗೆ ನನಗೆ ಸಾಥ್‌ ಕೊಟ್ಟಿದ್ದುಂಟು ಎಂದರೆ ನೀವು ಖಂಡಿತ ನಂಬಲಿಕ್ಕಿಲ್ಲ.

ಒಮ್ಮೆ  ನನ್ನ ಪಾಕ ಪ್ರಯೋಗಾಲಯದಲ್ಲಿ  ನನ್ನ ಅಚ್ಚು ಮೆಚ್ಚಿನ ಮೈಸೂರ್‌ಪಾಕ್‌ ಮಾಡುತ್ತಿದ್ದೆ. ಅದು ಕೈಕೊಟ್ಟು ಕೊನೆಗೆ ಮೈಸೂರ್‌ಪಾಕ್‌ ಬರ್ಫಿ ಆಗುವ ಬದಲು ಪುಡಿ ಪುಡಿಯಾಗಲು, ನನ್ನ ಪೆಚ್ಚು  ಮುಖವನ್ನು ಕಂಡ ಇವರು, ""ಯಾಕೆ ಬೇಜಾರ್‌  ಮಾಡ್ಕೊತೀಯಾ? ಮತ್ತೆ ಇದನ್ನೇ ಮಿಕ್ಸಿ ಗೆ ಹಾಕಿ ನುಣ್ಣಗೆ ಪುಡಿ ಮಾಡಿ ಬೇಸನ್‌ ಲಾಡು ಮಾಡಿ ಬಿಡು'' ಎಂದು ರೀ-ಮಿಕÕ… ಕಂ ರೀ-ಸೈಕಲ… ಉಪಾಯವನ್ನೂ ಕೊಟ್ಟು  ಸಹಕರಿಸಿದ್ದರು.

ಒಟ್ಟಿನಲ್ಲಿ  ನೀವೇನೇ ಅನ್ನಿ , ನನ್ನ  ಈ ಪಾಕ ಪ್ರಯೋಗಗಳು ತಿನ್ನಲು  ರುಚಿಯೆನಿಸಿದಾಗ ನಮ್ಮವರು ಮೆಚ್ಚಿ ನನಗೆ "ರೀ-ಮಿಕÕ… ರಾಣಿ' ಎಂಬ ಬಿರುದು ಕೊಟ್ಟಾಗಲಿಂದ ನನ್ನ ಈ ಕಲೆಗೆ ಉತ್ಸಾಹದ ಗರಿ ಮೂಡಿದೆ. ಒಂದು ಬುಕ್ಕಾದರೂ ಬರೆದುಬಿಡುವ ಜೋಶ್‌ ಬಂದಿದೆ. ಇದಕ್ಕೆ ನಿಮ್ಮ ಪ್ರೋತ್ಸಾಹ ಇದೆ ತಾನೇ?

ಆರತಿ ಘಟಿಕಾರ್‌, ದುಬೈ

ಉದಯವಾಣಿ ಸಾಪ್ತಾಹಿಕ ಸಂಪದ ದಲ್ಲಿ ಪ್ರಕಟಿತ ಲೇಖನ 

https://www.udayavani.com/kannada/news/weekly-supplement/150082/re-make-the-syrup-room