ಪಯಣ

ಪಯಣ

ಕಾಲವನ್ನೆಲ್ಲಾ ಹೊತ್ತು

ಹೋಗುವ ಹೊತ್ತು ,

ಹಸಿ ಬಯಕೆಗಳ ಬೆನ್ನೇರಿ

ಅತ್ತು , ಬಿಕ್ಕಳಿಕೆಯಲ್ಲೇ

ದಾರಿ ಸವೆದಿತ್ತು .

ನೋವು –ನಲಿವುಗಳ ತೂಗೊಯ್ಯಲೆಗೆ

ಹೋರಾಟವೇ  ಶ್ರಮಿಸಿ ನಕ್ಕಿತ್ತು ,

ಕೈ ಬೀಸಿ ಕರೆದ ಸತ್ಪಥದ ದಾರಿಗೆ

ಕುಹಕವಾಡಿದ  ಕೊರಗಿತ್ತು ,

ಗುರಿಯೊಂದು ಗೋರಿ ಸೇರುವ ಮುನ್ನ

ಮೆಲ್ಲನೆ ಕನವರಿಸಿತ್ತು ,

ನಿದುರೆಯಲ್ಲೂ ಮನದ

ಕಣ್ತೆರೆಯಲು ಹವಣಿಸಿತ್ತು ,

ಒಂದೇ ಒಂದು ಬಾರಿ ...

ಕಟ್ಟ ಕಡೆಯ ಸಾರಿ ....

ನೀಡೆನಗೆ ಕರುಣೆಯ ಕೈ ತುತ್ತು

ಬೇಡುವಷ್ಶ್ರರಲ್ಲಿ ಪಯಣ ಮುಗಿದಿತ್ತು !