ಹಾಗೆ ಸುಮ್ಮನೆ ಹನಿಗಳು
=============

ವಿಪರ್ಯಾಸ

===========

ಬಾಳ ಹಾದಿಯ ತುಂಬಾ

ನಲಿವಿನ ಗಳಿಗೆಗಳೆಷ್ಟೋ

ಗುಲಾಬಿಗಳಾಗಿ , ಅರಳಿ ನಿಂತಿದೆ

ಸುಂದರ   ಹೂದೊಟ ;

ಆದರೂ

ಮುಳ್ಳುಗಳನ್ನೇ ಎಣಿಸುತ್ತಾ

ಸಾಗಿದೆ

ಹುಚ್ಚು ಮನದಾಟ !

ಅರಿವು

========

ಬಾಳಿನುದ್ದಕ್ಕೂ 

ನನ್ನನ್ನು ಆವರಿಸಿದ್ದು   

ಬರಿ ಆಡಂಬರ ,ನಗ –ನಾಣ್ಯ 

ಕಾಲಕ್ರಮೇಣ 

ನಿನ್ನ ನಿಸ್ವಾರ್ಥ ,ಬೆಲೆಕಟ್ಟಲಾಗದ  

ಪ್ರೀತಿಯ  ಎದುರು ಅನಿಸಿತು

ನನ್ನದೆಲ್ಲಾ  ನಗಣ್ಯ  !

ವಾರ್ಷಿಕೋತ್ಸವ

===============

ಬೆಳ್ಳಂ ಬೆಳಿಗ್ಗೆಯೇ

ಕೆಂಪು ಗುಲಾಬಿಯ ಹಿಡಿದು

ಸಿಹಿ ಮುತ್ತನಿತ್ತು

ಮದುವೆ  ವಾರ್ಷಿಕೋತ್ಸವ

ಹಾರೈಸಿದರೂ  ರೇಗಿದಳು ಮಡದಿ   ;

ಮುದುವೆಯ ದಿನ ನೀವು

ನೆನೆಪಿಡುವುದು ಇನ್ನು ಸಾಕು

ಅದಾಗಲೇ  ಕೆಳೆದು

ಹೋಗಿದೆಯಲ್ಲ  ದಿನ  ನಾಕು !

ಪತ್ನಿಯ ತಕರಾರು
=========
ಗಂಡನ ಬೋಳು ತಲೆಯ
ಕುರಿತು ಅವಳದು
ಸದಾ ಫೈಟು ;
"ವಿಗ್" ಆದರೂ ಬಳಸಿ
ಚಂದಗಾಣಿಸಿ ನಿಮ್ಮ ಖಾಲಿ ಸೈಟು :)))

ಸಂಗೀತದ ಗೀಳು
==============
ಕೋಪದಿ  ಕೂಗಾಡಿದರೂ
ನನ್ನ ಮಗ
ನಗು ನಗುತಾ ತಲೆ ಅಲ್ಲಾಡಿಸುವ
ಜಾತಿಯೋನು ...
ಕಾರಣ
ಕಿವಿಯೊಳು   ಸದಾ
ಇಯರ್ ಫೋನು !

ಕಾಲಕ್ರಮೇಣ

==============

ಅಂದು ನಿನ್ನ ಕಂಡಾಗ

ಪಿಸು ಮಾತು  ..ಸೆಳೆತ

ಏನೂ ಆಕರ್ಷಣೆ

ಇಂದು

ಬಿಸಿ ಮಾತು  ಅವಿರತ

ಬರೀ ಘರ್ಷಣೆ :) !