ಮನದ ಗೆಳತಿಯೊಂದಿಗೆ ಕನಸಿನ ಹುಡುಗನ ಬಗ್ಗೆ ಹಂಚಿಕೊಂಡ ಭಾವನೆಗಳು |
ಅವ್ಯಕ್ತ
ಮೊಗ್ಗಿನ ಮನಸು , ಹರಯದಾ ಕನಸು ,ಮೂಡಣದ ಕೆಂಪಿನಲ್ಲೂ ಜಗವ
ತೋರಿಸುವನೇನೆ ?
ಅಂತರಂಗವನ್ನೇ ಅರಸಿ
ಕಾಣದ ಸೌಂದರ್ಯಕ್ಕೂ ನಮಿಸಿ ,
ಒಲವಿನ ದೀಪ ಹಚ್ಚುವನೇನೆ ?
ತುಟಿಯಂಚಿನ ನಗುವನ್ನೇ
ಮೂರ್ತಿಯಾಗಿಸಿ ,
ಗೋಪುರದ ಗುಡಿ ಕಟ್ಟುವನೇನೆ?
ನೋವಿನಂಚೆ ತೆರವ ಮುಂಚೆ
ಬಚ್ಚಿಟ್ಟ ಮೌನರಾಗಕ್ಕೂ ,
ಸ್ಪಂಧಿಸುವನೇನೆ?
ದ್ವಂದ್ವಗಳ ಬಿಸಿಯುಸಿರಿಗೆ
ಬೇಗುದಿಗಳ ಬೆಂಕಿಗೆ ,
ಚಂದಿರನ ತಂಪು
ತರುವನೇನೆ?
ಆದರ್ಶಗಳ ಪದರು ಬಿಡಿಸದೆ
ಭಾವಗಳ ಬಿಂಬ ಕಲಕದೆ ,
ನನ್ನನ್ನು ನಾನಾಗಿಯೇ
ಉಳಿಸುವನೇನೆ?
ಬಾಳಚಕ್ರ ದಾರಿ ವಕ್ರ
ಕೊನೆಯುಸಿರಿನಲ್ಲೂ
ಚೇತನಾಮೂರ್ತಿ
ಆಗುವನೇನೆ?
aashaa bhaava
ReplyDeletethanks reshma .
ReplyDelete